Doppelganger

Kung makailang-ulit kong pinagmasdan
Ang larawan mong puno ng kalokohan
Na sa puntong ito ay hindi makapagsisinungaling
Ang damdamin kong ayaw tanggapin,
Ay nais kong sabihin na ayoko...

Ayokong itapon ka sa isang lalagyan
Na puno ng inaamag at nilalangaw na bagay
Lugar na kung saan tanging alaala ko na lamang
Ang magbibigay kulay sayo
Kasi ayoko....

Ayokong gawing dahilan ang sitwasyon
Na nagdulot ng iyong pagkawala
At pinag-ugatan ng pagkabalisa
Na sa tuwing naaalala ko
Ay gustong kong sambitin.."Ayoko"

Ayoko nga...pero leche ka!
Nasugatan ako dahil sa'yo
Itinapon na sana kita nang sobrang bilis
Para noong una pa lang naisip ko nang
"Ayoko! Basag ka na kaibigang Salamin..Paalam"