SocialInterview.com Asked Me.

Name one thing you've learned this year:



Ang sagot ko marami...kaya heto at ididikta na naman ng utak ko ang walang kasing habang listahan ng mga natutunan o marahil, naramdaman, o posible ring naipukol sa akin ng tadhana. (slow clap) ...sapok...sapul...sampal...sasagot na nga!



1. Ito na marahil ang pinakasariwang natutunan ko o marahil palagi kong ginagawa subalit kailangan ko lang masabi kasi...sa totoo lang naapektuhan ako nang bahagya nung una..puro kasi akala..anong malay ko na mag-iinarte lang kaming dalawa at bandang huli, maiisip kong mas maiging maging ganon na lamang ang isipin niya kaysa ipaliwanag ko pa ang sarili ko...parati naman akong ganon, wag nang pilitin ang ayaw magpapilit. Kung kaya ito ang una:



Wag pilitin ang isang tao bagama't nasabi mo na ang gusto mong sabihin pero sadyang nagdadrama pa rin sa buhay na para bang hindi na kayo pwedeng maging magkaibigan. "Kamote, sinaksak ba kita ha, at nagpapanggap ka pang manhid kuno....woooooh! LOSER...hahaha!"



2. Mamumuhay na naman ako ng mag-isa. Mark: Nov. 28, 2009. At siguradong kaya ko ito. Basahin ang paksang Braveheart sa blog na ito. Kulang pa rin sa gamit. Gayunpaman, kuntento na rin ako sa kung ano ang posibilidad at realidad dahil doon lamang ako pwedeng magpanimula. Ang tunay na pakikibaka ay hindi sa giyera, ito'y pagkatapos. Hay koneksyon!



3. Sobrang mag-aaral na talaga ako Ma, I promise...ng French, ng Hip-hop, ng basic programming, ng surfing, ng HR stuff, ay ok...ng MA pala sa Psych...labyu. Oo, aking mga kapwa! Itutuloy ko na ang laging nauudlot na mga pangarap. Ang kaso, gusto ko rin ng Business Admin, o kaya ng Econ...hay basta itutuloy ko na po...dahil gusto ko rin magturo (ano ba!).



4. Hindi pa ako magkakakotse next year...sa 2011 pa..ayos lang darating ako dyan, I'm so sure! Ang susi ay sa bahay at ang pondo ay sa Web.



5. Na maldita pa rin ako, pero sweet..yun eh kung makikilala mo ako nang husto.

6. Hindi pa rin ako pihikan sa pagkain pero pumapayat ako.

7. Na napapabayaan ko na ang buhok ko. Plano ko itong ipagupit nang sobrang iksi at tiyagaing plantsahin araw-araw para maging diretso.

8. Past is past. Hindi ba't nakakasawang balikan parati ang kahapon na para bang ito na lang ang pumipigil sa'yo para gawin o sabihin ang mga bagay-bagay? Ang sabi mo nga Pa, hindi naman kailangan mamuhay sa nakaraan. Tanawin mo lang para malaman mo kung ito ba talaga iyong nais mong kinatatayuan ngayon.

9. Na in-love ako...totoo nga..kaso nawala hahaha!

10. Kailangan mong kamustahin ang mga kaibigan mo. Hindi dahil break na kayo ng mahal mo kaya pinapansin mo na sila ulit, pero dahil baka hindi ka na 'aware' na iyong isa ay may asawa na, o iyong isa ay magkaka-anak na. Bigla mo na lang tuloy mararamdaman, gusto mo na rin ng baby pero hindi asawa.

Hindi pa tapos ang taon kung kaya't marami pang pagkakataon para habaan ang listahan...marahil 'up to 50?'

Palabas ako ng opisina nang maamoy ko na naman ang pamilyar na pabango. Sa totoo lang naiinis ako. Gusto kong pigilan ang aking paghinga hanggang makaabot ng 'elevator.' Ironic dahil ang 'marketing' non ay para bang makapagbibigay katotohanan pero nakapagtataka: Bakit nga kaya ang hirap diretsuhin ang gusto mong sabihin at paikot-ikot na lang hanggang sa makapagsinungaling ka na....hay, magkakape na lang ako!

...sa susunod na paglalathala: Layunin kong humakot ng maraming kuwento at tsismis. Pag-usapan natin ang.....