Kung oobserbahan mo, maaalibadbaran kang pakinggan ang pag-uusap ng 2 taong nagkukulitan pero pa-simpleng walang feelings. Bakit?
1. Kasi pwedeng insecure ka! Wala ka kasing kausap kaya magdusa ka na lang dyan kahit gaano ka cheesy ang marining mo.
2. Nagdaan ka na dyan kaya sanay ka na. Malapit ka na nga lang magsawa kaya naiinis kang pakinggan ito nang paulit-ulit.
3. Eh sobra-sobra naman kung magharutan si Eba at Adan, talagang namumuro na!
4. May isa pa, nakalimutan ko lang.
Mahirap talagang magtapat lalo na kung ang dami mong alam at nararamdaman. Sa sobrang dami kasi, hindi mo alam kung alin dun ang sasabihin, kelan sasabihin, paano sasabihin, saan mo sasabihin at higit sa lahat BAKIT mo nga ba sasabihin?! O eh bakit nga ba?
Hay wala pang Pebrero pero umuulan na naman ng pag-ibig at pagkabigo! Sa pagkakataong ito ay sadyang natutuwa ako sa 2 taong nakilala ko---Tama, si Ebang Kilig at si Adan Kirot (note: interchangeable surnames). Buhat ng kumain ng bunga sa Tree of Knowledge ay nagkaroon ng kamalayan at karunungan. Sapat at sobrang mga dahilan para makaisip ng kung anu-anong alibi para umiwas sa isa't-isa at sa namumuong pagtitinginan (ang cheesy!) Kung sabagay, parang isang poker game lang ito...hintayan kayo
12:50pm na sa dako ng mundo kung saan malapit nang maubos ang taho na gawa sa Pasig; kung saan mainit pa ang ulam sa karinderiya at sasamantalahin mo ang pagkakataon dahil bagong luto ito; kung saan maaalala mo ang nakaraan na pangyayari sa EDSA , kung saan 3 street signs ang masasalubong mo sa daan: Stop, Wait o Go; at kung saan sa loob ng 18 oras wala pa akong tulog.
Maglalakwatsa muna ako.
(pang-asar na kanta..disclaimer: hindi ko video ito)
..sa susunod na paglalathala: layunin kong humakot ng maraming kuwento at tsismis! Pag-usapan natin ang....?
No comments:
Post a Comment